२० भदौ, काठमाडौं । अमेरिकामा राष्ट्रपति चयनका लागि मतदान हुँदैछ। कमला ह्यारिस र डोनाल्ड ट्रम्पबीच राष्ट्रपति पदका लागि आज मतदान हुने भएको छ।
पूर्वराष्ट्रपति ट्रम्प रिपब्लिकन पार्टीका उम्मेदवार हुन् भने उपराष्ट्रपति बनिसकेकी कमला डेमोक्रेट पार्टीबाट उम्मेदवार छिन्। उनीहरूबीच उम्मेदवारी घोषणा भएदेखि नै तीव्र प्रतिस्पर्धा हुँदै आएको छ। आजको मतदानले यस प्रतिस्पर्धालाई निष्कर्षमा पुर्याउनेछ।
आज मतदान हुने भएपछि दुवै उम्मेदवारले सोमबार अन्तिम चुनावी अभियान गरेका थिए। उनीहरूले अमेरिकाको अत्यन्त महत्त्वपूर्ण मानिने पेन्सिलभेनिया राज्यमा प्रचार अभियान सञ्चालन गरेका थिए।
ट्रम्पले ह्वाइट हाउसमा पुनः फर्कने आशा गर्दै मत मागिरहेका छन् भने ह्यारिसले अमेरिकाको पहिलो महिला राष्ट्रपति बन्ने आफ्नो अभियानलाई अघि बढाइरहेकी छन्।
यस निर्वाचनसँग सम्बन्धित सर्वेक्षणहरूले दुई उम्मेदवारबीच तीव्र प्रतिस्पर्धा हुने देखाएका छन्। केही सर्वेक्षणमा ह्यारिस ट्रम्पभन्दा अलिकति अघि देखिएकी छिन्।
अमेरिकामा अहिलेसम्म सात करोड ८० लाखभन्दा बढी मतदाता पहिले नै मतदान गरिसकेका छन्, जुन सन् २०२० को कुल मतको लगभग आधा हो। यसबाट दुवै उम्मेदवार उत्साहित रहेको बताएका छन्।
( कृपया तल प्रतिकृया दिनुहोस )