काठमाडौँ, १५ कात्तिक: नेपालमा आज कुकुर तिहार मनाइँदैछ। तिहारको तेस्रो दिन पर्ने यस पर्वमा घरको सुरक्षा गर्ने कुकुरलाई पूजा आराधना गरी मीठा-मीठा परिकार खुवाएर सम्मान गरिन्छ।
यस वर्ष तिथिको घटबढका कारण कुकुर तिहार यमपञ्चकको तेस्रो दिन परेको हो। नेपाल पञ्चाङ्ग निर्णायक विकास समितिका अनुसार नरके चतुर्दशी र कुकुर तिहार सूर्योदय कालमा चतुर्दशी तिथि परेको दिन मनाउनुपर्ने हुन्छ।
धार्मिक विश्वास अनुसार, कुकुरलाई मीठा परिकार खुवाएमा यमराजको ढोकामा द्वारपालका रूपमा बस्ने श्याम र सबल नामका कुकुरले यमलोक जाँदा बाटो छोडिदिन्छन्। कुकुरलाई आज्ञापालक र सुरक्षामा भरपर्दो घरपालुवा जनावरका रूपमा लिइन्छ।
यसै दिन नरक चतुर्दशी पनि मनाइन्छ। बिहानै अरुणोदयकालमा नदी वा तलाउमा स्नान गरी यमदीप दक्षिण फर्काएर बालेर बगाउनाले मृत्युपश्चात् नरकको दर्शन गर्नु नपर्ने धार्मिक विश्वास छ।
तिहारका पाँचै दिन तिलको तेल लगाएर स्नान गर्ने प्रचलन पनि छ। यसो गर्दा शरीर स्वस्थ हुने आयुर्वेदिक मत रहेको छ। कुकुर तिहारमा कुकुरलाई पूजा गरी मिठो खानेकुरा खुवाइन्छ।
यस वर्ष तिथिको घटबढका कारण कुकुर तिहार यमपञ्चकको तेस्रो दिन परेको हो। नरक चतुर्दशीमा नुहाएर यमदीप बगाउने चलन छ। तिहारमा तिलको तेल लगाएर नुहाउँदा शरीर स्वस्थ हुन्छ।
