अमेरिका – अमेरिकाले नेपाली नागरिकलाई सन् २०१५ को विनाशकारी भूकम्पपछि दिएको टेम्पोररी प्रोटेक्टेड स्टाटस (TPS) सुविधा आगामी अगस्ट ५ बाट पूर्ण रूपमा खारेज हुने भएको छ।
युएस सिटिजनशिप एन्ड इमिग्रेसन सर्भिसेस (USCIS) ले बिहीबार सूचना जारी गर्दै दुई महिनापछि टीपीएस पूर्णरूपमा अन्त्य हुने जानकारी दिएको छ।
सूचनामा भनिएको छ, “यदि टीपीएस धारकहरूले अगस्ट ५ सम्म वैधानिक आप्रवासी स्थिति कायम गर्न नसकेमा उनीहरूले अमेरिका छाड्नुपर्नेछ।”
अमेरिकामा करिब ९,००० नेपाली टीपीएस सुविधाको आधारमा बसोबास गर्दै आएका छन्। अब उनीहरूलाई अन्य वैधानिक विकल्प खोज्न वा स्वदेश फर्किनुपर्ने अवस्था आएको छ।
Source: DHS
