अमेरिकी राष्ट्रपति पदका उम्मेदवार डोनाल्ड ट्रम्पले हालसम्म १९८ इलेक्टोरल मत प्राप्त गरेका छन् भने कमला ह्यारिसले १०९ इलेक्टोरल मत जितेकी छन्।
अमेरिकामा राष्ट्रपति बन्नका लागि कुल ५३८ इलेक्टोरल मतमध्ये कम्तीमा २७० मत आवश्यक पर्छ। विभिन्न राज्यहरूका लागि इलेक्टोरल मतको भार फरक-फरक तोकिएको हुन्छ।
कमला ह्यारिसलाई २२६ इलेक्टोरल मत हुने राज्यहरूमा प्रस्ट समर्थन देखिएको छ भने डोनाल्ड ट्रम्पलाई २१९ इलेक्टोरल मत हुने राज्यहरूमा प्रस्ट रूपमा मन पराइएको छ। जित्नका लागि ह्यारिसलाई सात निर्णायक राज्यहरूबाट थप ४४ मत र ट्रम्पलाई ५१ इलेक्टोरल मत चाहिन्छ।
